Zer berri?

Larunbatean Urduñatik Murgiara 24 euskaltzale mendizale eman zioten hasiera udako eskaintza goxoari. Euskara, kirola eta  Euskal Herria ezagutzeko ustartzen duen aukera polit honi. Argazki gehiago hemen.

Gogoratu oraindik izena eman ahal duzuela gogoan izan beste barnetegi ibiltaria (bizikletaz), uztailaren 17tik 31ra Euskal Herriko errepideetan ibiliko da.

Izena ematea: ibiltaria@aek.org 630148 159
Prezioa: 450 euro dena barne

argazkiak: Asier Arroita Flickr galeria

Getxoko Udako Berbalaguna aste honetan hasiko da, asteazkenetan eta ostiraletan antolatu dituzte taldeak.
Informazio gehiago: 619 935 541 telefonoan.

Gasteizko Mintzalagunak beste behin ere oso lehiaketa interesgarria antolatu du; postal lehiaketa!
Informazio gehiago HEMEN.
Postalak bidaltzeko epea: ekainaren 25etik irailaren 7ra
Nora bidali:
GEU elkartea-Gasteizko Mintzalaguna
Pedro Asua kalea, 2-3. Solairua (seminario zaharra)
01008
Gasteiz

Ibiltaria Bizikletaz: Azken gunak apuntatzeko…. arin-arin ibili leku barik gelditu nahi ez badozue!!
Leku guzti hauetatik pasatuko gara!

Helburua: 16 egunez euskaraz bizitzea.
Euskal Herria hobeto ezagutzea (herriak, leku bitxiak, ohiturak, hiztunak, euskalkiak…).
Bizikletaz ibiltzea gustuko dugunok opor ederrak pasatzea.

Prezioa: 450 euro. Laguntza-furgoneta (guztion trasteak eramateko), lo egiteko lekuak, jatordu guztiak eta ibilbideari buruzko liburuxkak eta mapak barne.

Izena emateko azken eguna uztailaren 8a. Telefonoz: 944 159 512 edo 630 148 15. Posta elektronikoa: ibiltaria@aek.org

Ibilbidea:

1. Urduña-Murgia-Zarate-Ubidea-Otxandio (52 km.)
2. txandio-Legutio-Landa-Agurain-Opakua(67 km.)
3. Opakua-Urbasa-Lizarraga mendatea-Lakuntza-Etxarri (64 m.)…
4. Etxarri-Uharte Arakil-Irurtzun-Latasa-Larraintzar (55 km.)
5. Larraintzar-Egozkue-Zubiri-Erro-Nagore-Lakabe (59 km.)
6.Lakabe-Nagore-Auritz-Garralda-Orontz Betelu-Lakabe (55 km.)
7. Lakabe-Agoitz-Urrotz-Ardanaz-Tabarre-Irunberri (50 km.)
8. Irunberri-Nabaskoze-Burgi-Bidangoze-Erronkari-Izaba (58km.)
9.Izaba-Uztarrotz-Laza-Otsagi-Abaurregaina-Garralda(63 km.)
10. Garralda-Orbaizeta-Harpea-Garralda (52 km.)
11. Garralda-Orreaga-DonibaneGarazi-Baigorri-Urepele (66 km.)
12.Urepele-Esnazu-Artesiaga-Irurita-Doneztebe-Arantza (66 km.) 13.Arantza-Doneztebe-Saldias-Erbiti-Beruete-Lekunberri (72 km).
14.Lekunberri-Madotz-Uharte-Aralar-Lekunberri (59 km.)
15.Lekunberri-Leitza-Andoain-Asteazu-Aia-Zarautz (77 km.)

Gorbeialdeko Mintzalagunek hauxe bidali digute:

Ekainaren 11an, Gorbeialdeko Mintzalaguneko partaideak bildu ginen Gopegiko (Zigoitia) Bengolarra tabernan, Ainhoa eta Jagobaren Piano bat bertsotan emanaldiaz gozatzeko. Arratsaldea merendu batekin hasi genuen 20:00etan. Tragotxo pare bat hartu genituen, horrela abesteko orduan lotsa galdu ahal izateko eta nola gainera, batzuk profesionalak ziruditen eta. Oso ondo bideratu zuen saioa Ainhoak eta bereala jarri gintuen denak kantan, azkenean “beste bat” doinuarekin utzi behar izan gintuen saio konpleto bat eman ondoren, hori bai. Egia esan egun polita izan zen, 30 pertsona bildu ginen eta giro apartan murgilduta egon ginen, modu egokia agurra emateko kurtsoari. Abestiak dioen bezala: guk euskarazzzzzzz, zuk zergaitik ezzzzzzzz?

Ekainaren 6an Arrasaten egindako Mintza Egunaren inguruko informazioa GOITBn

Guztira,  hiru mila lagunek hartzen dute parte Euskal Herri osoko 60 herri eta eskualdetan martxan dauden Mintzapraktika programetan. Haietako asko ekainaren 6an bildu ziren Arrasaten, Mintza Egunaren bosgarren edizioa ospatu eta ‘ikasturteari’ jai giroko amaiera emateko.

Mintzapraktika programek aisialdia, gozamena eta euskara uztartzen dute, eta, hiru elementuok kontuan hartuta, udan ere mingaina astindu nahi duten mintzalagunentzako aukera berri bat landu dute elkarlanean Topagunea Euskara Elkarteen Federazioak eta EHNE Euskal Herriko Nekazarien Elkarteak.

Hala, uda honetan euskara praktikatu nahi duten mintzalagun edo berbalagunek, Bizkaian (Busturialdean eta Mungialdean) dauden 17 baserritan izango dute horretarako aukera. Baserritarrek giro euskaldunean murgildu eta euskaraz bizitzeko aukera eskainiko dute, baserriko lanetan laguntzearen truke.

Programa uztaila, abuztua eta irailean jarriko da martxan. EHNEk prest du jadanik parte hartuko duten baserri eta baserritarren  zerrenda eta, beraz,  orain horietan aritzeko gogoa duten mintzalagun edo berbalagunak  bilatzea besterik ez da falta. Boluntario horiek, dohainik eman dezakete izena, eta baserrira bitarteko garraio gastuak ere ordaindu egingo zaizkie.

Mintzapraktika programetan bezalaxe, parte hartzea norberaren aukeren araberakoa da honetan ere: aldi bateko egonaldian, egun zehatzetan, ordukako egutegian, behin, aldiro. Bakoitzak duen disponibilitatearen arabera, hain zuzen ere. Izan ere, antolatzaileek programan parte hartu nahi duten guztiek horretarako aukera izatea nahi dute, eta hori dela eta planteamendua ahalik eta malguena egin nahi izan dute.

Euskara praktikatzeaz gain, baserri giroa ezagutzeko aukera bikaina da!  Hain zuzen ere programarekin hasi aurretik, EHNEk formazio saio xumea eskainiko die parte hartzaileei, baserriko lanaren oinarri-oinarrizko tekniken berri izan dezaten. Urbanita hutsa izatea ere ez da eragozpena, beraz!

Proiektuan parte hartu edo informazio gehiago nahi? Zalantzak argitzeko, Topagunearekin ( gazteak@topagunea.org ) harremanetan jartzea baino ez dago. Izena emateko epea ekainaren 25ean amaituko da.

Topaguneak eta EHNEk proiektu pilotu honekin ilusionaturik daude hain zuzen ere aurrerantzean elkarlanean jarraitzeko bideak eta aukerak irudikatu dituztelako.

Euskara Elkarteen Federazioak, AED Elkarteak eta Zahar Berri mintzapraktika egitasmoak antolatu zuten atzo Euskal Herriko mintzapraktika egitasmoetako partaideak elkartzeko eguna eta jai-egun entretenigarria euskaraz pasatzeko helburua duen jaia. Berbalagunak, solaskideak, mintzalagunak… Hego Euskal Herriko txoko guztietatik hurbildu dira Arrasatera mingaina gustura astintzeko.

Antolatzaileen ongi etorriaren ondoren, bertaratutako lagunek hamaiketakoa egin dute Biteri plazan, txalapartaren soinuak lagunduta. Euriak une batetik bestera denak sakabanatu behar zituela ematen zuen arren, azkenean eguraldiak ere bat egin du jaiarekin, eta han-hemenkako tantatxo batzuk kenduta, aparteko eragozpenik ez da egon.

Hamaiketakoaren ondoren Arrasateko historia eta txoko esanguratsuak ezagutzeko ibilbide gidatua hasi da, Ana Isabel Ugalderen eskutik. Historialariak ahozabalik utzi du bat baino gehiago Arrasate eta Mondragoeren arteko diferentziak, herriko harresia eta garai bateko arkitektura eta hirigintza arauak gaitzat hartuta.

Ibilbidearen ostean, Manex Agurre eta Jokin Labaien bertsolari gazteek jarri diote piperra goizari, eta jaso duten txalo zaparrada ikusita, entzuleek gustura hartu dituztela esan daiteke. Gero entzuleak beraiek izan dira protagonista, Portaloiko kanta taldeak eta Arrasateko trikitilariek kantuan eta dantzan jarri baitituzte, hala Mintza Egunera etorritakoak nola kalean zebiltzan herritarrak ere.

Kalejiraren ondoren, 14:30ak aldera, mintzalagunak Udaletxeko plazako karpa erraldoian elkartu dira elkarrekin bazkaltzeko. 270 lagun batu dira han guztira, eta, postrean, eguneko unerik hunkigarriena iritsi da: urtero egiten den sari banaketarena, hain zuzen ere. Sari horiekin, mintzapraktika egitasmoetan ibilbide nabarmena duten lagunen ahalegina eskertzen da. Eta bistan da asko direla ahalegin hori egiten dutenak, aurten zazpi izan baitira saritutakoak: Uribe Kostako Ana Telo, Bergarako Nerea Altzelai, Arrasateko Mari Karmen Agilar eta Espe Sainz, Ezkerraldeko Juanan Fernandez eta Mikel Ferrero eta duela 21 urte Ekuadorretik Donostiara etorritako Gladis Villalva kazetaria.

Bukatzeko, Mintza Egunak hedabideetan izandako oihartzuna aipatu nahiko genuke, ETB1eko Gaur Egun albistegiko berria atxikitzen dugu

Topagunea Euskara Elkarteen Federazioak antolatutako jaia da. Euskara Elkarteek herrietako euskaltegiekin eta euskalgintzako beste zenbait eragilerekin kudeatzen dituzten mintzapraktika egitasmoetan parte hartzen duten berbalagun, mintzakide, mintzalagun, solaskide guztiek elkar ezagutu eta egun pasa ederra egiteko parada dute bertan.
Aurtengo edizioa, bosgarrena, ekainaren 6an izango da, Arrasaten. Mintzapraktika mugimenduaren tamaina ezagutzera emateaz gain, ikasturteari bukaera goxoa ere eskainiko dio bosgarren Mintza Egunak.
Mintza Egunera gerturatzen direnek Arrasteko txokoak eta historia hobeto ezagutzeko aukera izango dute, “eta baita mingainak dantzan jartzeko ere”.  Jaialdia goizeko 11:00etan hasiko da, Biteri Plazan egingo den ongietorria eta hamaiketakoaz.  12:00etan ibilaldi gidatua egingo dute bertaratutakoek tokiko berezitasunak ezagutzeko, eta 13:30etan kalejiraren txanda izango da.
Eguerdi partean indarrak berritzeko unea izango da, eta horretarako Arrasate Errugbi taldeak Herriko plazan jarriko duen karpan bazkalduko dute 14:30etatik aurrera.
15:30etan une hunkigarria biziko da, sari banaketa burutuko baitute.  Sari hauek urtero banatzen dira, Mintzapraktika egitasmoetan pertsona ezberdinek egin duten ibilbideak omentzeko.
Arratsaldeko 16:00retan jaialdia bere azken txanpan sartuko da, Kataia taldeak erromeria eskainiko baitu.  Esan beharra dago honako hau Mintza Egunaren berritasun  nagusia izango dela, Markina eta Bergaran bizi eta euskaraz abesten duten senegaldar eta ganbiarrek osatzen baitute Kataia.

Open publication - Free publishing - More topagunea

Udako eskaintzaren barruan, aurton ere, praktikatzeko barnetegiak antolatu ditu AEK-k. Bi dira aurtengo eskaintzak:

Barnetegi ibiltaria (oinez) Lehen aldiz, uztailaren 3tik 18ra Euskal Herria mendirik mendi zeharkatuko dugu mutur batetik bestera.

Barnetegi ibiltaria (bizikletaz) Aurtengoa 10. edizia izango da eta ziurrenik, uztailaren 17tik 31ra Euskal Herriko hainbat txokotan ibiltariko txirrindulariak topatuko dituzue.

Barnetegi hauen prezioa: 450 euro dena barne
Izena ematea: ibiltaria@aek.org edo telefono hauetara:

• barnetegia oinez: 663 030 568 (azken eguna: ekainaren 24a)
  
• barnetegia bizikletaz: 630148 159 (azken eguna: uztailaren 8a)