Dantzatu mingaina!
Dantzatu mingaina!
(2010-09-03 16:40 gernikako berbalagun)
Jendea etorri ahala taldea handitzen eta handitzen.
Erreka hegaletik Barrutirantza pozik, ...
Belendizen zehar goaz. Zer, Peru, KORRIKAko lekukoa daramazulakoan ala? KORRIKA martxoa-apirilean izango dugu, prestatu ordurako.
Zabala-Belendiz auzoa kartelaren parean banatu genituen triptikoak, hor azaldu genuen ibilbidearen nondik-norakoa.
Horra hor jendea buru belarri triptikoa aztertzen, etsaminen bat baletor be...!
Basoan zehar, iratxe artean, Kortezubirantza, ...
Ez niri argazkirik, gero. Lotsatu egin gara ala neskak?
Kontu kontari jendea pozik. Txiste berderen bat edo...
Zer gertatzen da, eskalada egin eta gero jaitsi ezinik gabiltza?
Batzuk laguntzeko beti prest, hara hor Ajuria lagundu gurean.
Laban dago ingurua antza.
Hara gure gidariaren saltoa! Aupa "Txiki"
Larri ibili zarete ezta neskak?
Hau bai hau ingurua! Santimamiņe! Indusketak egiten ari dira, zer aurkituko ote dute oraingoan? Gure arbasoen sukaldea edo?
Barausia apurtzeko leku hobarik bai, ala? Bakoitzak bere sakutxoan ekarritakoa jaten eta eskaintzen ageri dira hor. Fatima, zer ekarri duzu ba?
Maitek eta Goizaldek ere badaukate zer kontatu.
Elena, Agurtzane eta Mari Karmen ere jan ahalean ikusten ditugu.
Pedro Mari, makila horiek berri-berriak dira; nork edo nortzuek oparitu dizkizu(te)? kontatu, kontatu.
Zer Janire, aldatsa gogorra izan da, ezta? Hartu atsedena beste horrenbeste egin behar dugu-eta.
Argazkilaria be argazkian harrapatuta; aupa Jon!
Zer Itziar, orain Pilates ariketa batzuk egin behar ditugu, ezta?
Bagoaz Lezikatik Arteagarantza, ...
Nork gogoratzen du errota horren izena? Oleta izan daiteke?
Gure mediku-jauna gimnasia nola egin irakasten daukagu: eskumako belauna altxatu eta ...
Errota inguruak ondo arakatu eta ikusi genituen.
Eta hauek, zertan ari dira? haserre? irrintzika? goraka? mehatxuka? ....
Argazki hau "koleu" egin da, atzeratxuago egotea tokatzen izan zaio Kortezubi da-eta, baina ...
Ezetz jakin zein herritan gauden, Arteagan jakina!
Hara Eugenia de Montijoren gaztelua aprobetxatu dute gure lagunek argazkia egiteko! Dotore zagoze.
Arteagako "maisua"k ere zer kontatu badauka. Arteagan Bird Center? txoriak behatzeko lekua daukate eta ikusteko asmoa bageneukan ere, berandutxu zela-eta hurrengo irteera baterako utzi genuen, ...
,... 2010-11 ikasturteko lehenengo irteera Arteagara egingo dugula, Bird Center delako hori ezagutu eta hamaiketakoa Antoliņape elkartean egitea adostu genueneko batzarra.
Hara Goņi andereak eta Onaindia andereak nola ligatzen duten, motorrean joan nahi dute bueltan antza.
Eta Arantzak norekin ligatu du, pony horrekin? Espabilatzen ez bazara taldeak alde egingo dizu, mugitu!
Argazki dotorea gero! Urdaibai da bai, ez daukagu zertan urruti joan paraje zoragarrien bila.
Zubitxo berria jarri behar izan dute zati horretan, ura apurka-apurka bidea jaten joan da-eta.
Gure "paparatziak" zubi ertzean jarri eta hara nolako argazkiak atera dituen.
Maite, alfonbra gorria baino ez duzu falta. Hori da dotorezia hori!
Elena eta Nekaneren estiloa imitaezina da. Panpoxak!
Anak, Marijek, Fatimak eta Mirenek ere sarritan hartu dute parte halako pasarelan. Lirainak!
"Txikik" eta Jose Luisek ere estiloa dute gero! Makila ezinbesteko osagarria izango da aurtongo denboradan? Baina nola eraman behar da, behea ikutu barik, ezta?
Begibistan dago Mari Karmenek, Agurtzanek eta Itziarrek modelo izateko ikasi dutela. Artezak gero!
Garbiņe, Nerea eta Pili ondo zainduta datoz, atzetik "mediku jauna" dator-eta. Pamela ala bisera dago modan? Edozelan ere, zeuok dotore!
Jabi eta Arantzaren estiloa ere, ez da makala! Hain estilosoak izateko odol urdiņekoak izango dira hauek?
Balentziagaren estiloa ere, modan dago, betaurreko beltzak, bisera eta bandolera.
Nikia burutik, riņonera eta bisera gizonezkoentzat zein andrazkoentzat aurton moda-modan egongo dira. Ala, desfilera berandu helduko zarete, hankak altxatu!
(2010-09-03 13:51 Deustukoberbalaguna)
kaixo berbalagunak!!!(2010-09-03 10:11 egizu)
Irailaren 14an Pirritx, Porrotx eta Marimotots izango ditugu Areetako Xake Plazan. Bi saio eskainiko dizkigute; lehenengoa, 16:30tan eta bigarrena, 19:00etan.Sarrerak salgai egongo dira irailaren 2tik aurrera. Bizarra Lepoaneko bazkideek bina sarrera edukiko dituzte 3 eurotan (Bizarra Lepoaneko bulegoan bakarrik); lagunek 4 euro ordaindu beharko dute sarrera bakoitzeko.Hasi abestiak buruz ikasten eta irri egiten!!!Sarrerak salgai:Bizarra Lepoan elkartearen bulegoan: Martikoena kalea 16, 2. solairua, 4. bulegoa; Algorta 688 687 826 Ordutegia: egunero 10:00-11:30 & 12:00-13:30, astearte & ostegunetan ere 17:00-18:30 UKtest txalaparta elkartearen bulegoan: Basagoiti kalea z/g, behea; Algorta 656798622Ordutegia: irailaren 2an 17:00etatik aurreraLauaxeta AEK euskaltegiaren bulegoan: Iparbide 6, behea; Algorta 94 430 47 34Ordutegia: irailaren 2tik aurrera 11:00etatik 13:00ak arte & 17:00etatik 19:00ak arte (ostiraletan arratsaldez itxita)Kukupraka ludotekan: Areetako Eskoletako Plaza; Areeta 94 466 03 55 Ordutegia: irailaren 3an 10:30-13:30; 7tik 13ra 10:00-12:00; irailaren 7an ere 17:00etatik 19:00etara(2010-09-02 09:17 berriketan)
BERGARAKO BERRIKETAN EGITASMORAKO IZEN EMATEA ZABALIK
Bosgarren urtea da Berriketan egitasmoa abian jarriko duguna aurten.
ZEIN DA BERRIKETAN EGITASMOAREN HELBURUA?
Egitasmo hauen helburua euskararen erabilera bultzatu eta zabaltzea da, lagun euskaldunak eskainiz, euskaraz ikasten ari direnei, ikasi dutenei edo hitz egiteko aukera eta ohitura gutxi dutenei. Euskaldun zaharren artean jende gaztea, adinekoa, ? denetarik dago, modu zuzenean euskara bultzatu eta euskaldun berriei laguntzeko gertu dagoena.
ZER DA BERRIKETAN PROIEKTUA?
Euskaraz hitzegiten duten boluntarioak euskara praktikatu nahi dutenekin elkartuz, euskaraz berba egitea errazten duen proiektua da; izan ere, erabiltzea da hizkuntza bat ondo ikasteko modurik onena, eta proiektu honek hori ziurtatzen du: astean ordu batzuetan euskaldun berriak (euskaltegitik kanpo) euskal hiztunekin berriketan egotea.
Ingurune euskaldunak sortu, indartu eta zabaldu nahi dituzte erabilera programa hauek, euskaltegi, euskara elkarte eta erakunde publikoen inplikazioaren bidez.
PROIEKTUAREN BULTZATZAILEAK
Bergarako Udaleko Euskara Batzordea, Bergarako Udal Euskaltegia, AEK eta Jardun Euskara Elkartea.
Egitasmoan parte hartzeko interesa duenak deitu edo jarri harremanetan Bergarako Jardun euskara elkartearekin.
JARDUN EUSKARA ELKARTEA
Errotalde jauregia, z/g
Tel. 943763661 - Maitane
(2010-08-31 17:39 sakanako mintzakide)
Berriz ere euskaltegian aurki gaitzakezu.
(2010-08-30 08:48 Gasteizko mitzalaguna)
Hainbat kontu hobe kantuz esan…
Ongi dakite hau Euskal Herriko seme-alabek eta horren froga dugun abesti eta kopla andana da. Ezagutu eta batez ere kantatu nahi?
Berotu eztarri horiek!!
(2010-08-17 13:33 mintzakide)
Berriozarko Kiroldegian, astelehenetan 20:00etatik 21:00etara (gorputza lanketa: pilates, luzaketa, abdominalak, indarra-erresistentzia...) eta ostiraletan 18:30etik 19:30era (lan aerobikoa: musika eta koreografia).
(2010-07-29 22:15 gernikako berbalagun)
Irakasleen aginduetara lehenengo egunean modeloa aukeratu, oihala moztu eta ....
... bainikak egiteko hariak ateratzen ibili ginen.
Hariak atera eta berriketa gozoan batzuk, galdetu bestela Murieli, Saioari, Junkali eta Maitzari.
Irakasleak adi, nork zer galdetuko, erantzuteko prest. 
Oihalaren kolorea ere norberaren gustuaren araberakoa: urdina, berdea, zuria, granatea, ...
Hemen ikasle aurreratuenak bainikak egiteko txuleta eta guzti. Bego eta Xiomara den-dena kontrolpean duzue? Zuok behintzat amantala atoan egingo duzue...! 
Azken egunean, hondartzara joan ez zirenek, Iparragirre bera ere inbiditan ipini zuten, eurek egindako amantalak kale erdian ikusgai jarri zituztenean. (Seguruenik amantalei buruz ari da kantuan) Izan ere horiek bai amantalak, horiek! Onenak zarete.
(2010-07-27 09:02 egizu)
Zuetako askok bizikleta duzue etxeko ganbaran gordeta eta denbora dela, lana dela edo nagia dela ia inoiz ez duzue erabiltzen. Hori aldatzeko proposamen interesgarria dugu zuentzat.BIZIKLETA-TALDEAZer da? Zertarako da?(Berba)lagun: askotan esan diguzu bizikleta duzula, baina lana dela, nagikeria dela, edo bestea dela, ia ez duzula bizikleta hartzen urte osoan zehar eta bizikleta ganbaran nola hankak ere horrela herdoiltzen zaizkizula. Hori konpontzeko, jende berria euskaraz ezagutzeko eta eskualdea eta inguruak goitik behera ibiltzeko talde hau sortu nahi dugu, mihiari eta hankei goroldiorik ez lotzeko.Noiz hasiko gara?2010eko urrian hasiko gara eta 2011ko ekainera bitartean (ikasturtean zehar) egongo gara, beti hileko lehen larunbatean, 9:00etan hasita.Non lotuko gara?Beti irtengo gara Algortako metro-plazatik, Telletxetik.Zer egingo dugu?Ikasturtearen aurretik irteeren egutegi bat prestatuko dugu denon ekarpen eta ideiekin, eta egutegi horretan agertuko dira ikasturtean zehar egingo ditugun irteerak, bakoitzaren ibilbidea eta kilometro-kopurua. Eguraldiaren arabera eta bestelakoen arabera irteera eta ibilbide horiek moldatu edo aldatu ahal izango dira, jakina.Ibilbideen ezaugarriak:Inguruetan. Abiapuntua beti izango da Algorta eta, horregatik, oso urrun ez gara joango; batez ere Uribe Kosta, Ezkerraldea, Meatzaldea, Txorierri, Bilbo aldea eta Uribe-Butroen ibiliko gara. Ez oso luze, ez oso zaila. 2-4 orduko txangoak izango dira (25-40 kilometro) eta aldapa gogorregiak saihestuko ditugu. Hori bai, talde hau izango da apur bat ?baina ez gehiegi? sasoiko daudenentzat. Beraz, badakizu, hiru hilabete dituzu aurretik pilak jartzeko eta ibiltzen hasteko! Lehiarik ez. Hau ez da lasterketa izango, ez dago irabazlerik, denok elkarrekin eta suabe-suabe, konpainiaz eta bidaiaz gozatuz.Bide lasaiak. Lehentasuna izango dute trafikorik gabeko edo trafiko gutxiko bideek, etaerrepide nagusiak ekidingo ditugu.Barne-turismoa, euskaraz, konpainia ezin hobean. Uste duzu ondo ezagutzen duzula zure herria, eskualdea eta inguruak? Txoko eta bide berriak deskubritu nahi? Jende jator euskaldunarekin kirol apur bat egin gura duzu? Bizikleta prestatu eta animatu, hauxe duzu aukera!Nola eman izena?Telefonoz: 685 732 963 (Lander)Posta elektronikoz: egizugetxo@gmail.com2007an Bardeetara egindako txangoaAitzakia badugu entrenatzen hasteko: irailean Ungari mendi-taldeko lagunekin batera Bardeetara joango gara. Orain dela urte batzuk asteburu pasa egin genuen bertan, eta hementxe dituzue argazkiak.(2010-07-27 08:42 egizu)
Iņaki Muniategi berbalagunak egindako argazkiakAurten ere berbalagunak Bizarra Lepoan euskara elkartearen toldoan ibili gara. Garbi paella sukaldari sonatua eta Josu pintxea aritu dira paella erraldoia prestatzen. Oso gustura egon gara bertan: euskararen tribialean, umeen jolasekin, Tor magoaren ikuskizunarekin, kantuan Josu eta Gabirekin...Datorren urterako ideia pare bat dugu martxen jartzeko, ea hurrengoan ere elkar ikusten dugun! Eskerrik asko denoi eta oso ondo ibili jaietan.(2010-07-20 11:32 zaharberri)
?dakiguna praktikatu nahi dugu, erabili nahi duenari lagundu nahi diogu, mintzatzeko lotsa galdu nahi dugu, herria euskalduntzen lagundu nahi dogu, hitz egiteko zailtasunak gainditu nahi ditugu, , auzoko euskaldunak ezagutu nahi ditugu, lagun taldea osatu nahi dugu, gustoko duguna eginez euskara lasai erabili nahi dugu, mintzatzeko lotsa galtzen lagundu nahi dugu, mendi-taldea osatu nahi dugu, inguruko euskaldunekin harremana izan nahi dugu, poteoan ibili nahi dugu, gure seme-alabekin euskaraz hitz egin nahi dugu, euskara elkarteko lagunak ezagutu nahi ditugu, herriko euskaldunon komunitatea antolatu nahi dugu, aisialdia euskaraz gozatu nahi dugu, euskaltegiko lagunekin kalean euskaraz aritu nahi dugu, euskararen aldeko boluntarioak izan nahi dogu, nahi duguna nahi dugunean egin nahi dugu, euskaldunon sarea josi nahi dugu, gure herriko aisialdi talde euskalduna osatu nahi dugu, euskaldunen arteko zubiak eraiki nahi ditugu, euskaldun bizi nahi dugu, inguruko herrietako jaietara joan nahi dugu, mintza egunean parte hartu nahi dugu, eskolako lanak egiten laguntzea nahi dugu, euskarazko aldizkariak irakurri nahi ditugu, zinemara joan nahi dugu, irakurzaleen txokoa antolatu nahi dugu, herri euskaldun batean bizi nahi dugu, irrati saio bat egin nahi dugu, bideo-jokoetan jokatu nahi dugu, entzun nahi dugu, ...
Euskaraz bizi nahi dugu eta zu gurekin egotea nahi dugu!
Nahi badozu? nahikoa da astean ordu bete libre izatea
Euskaraz mintzatzeko talde txikiak osatuko dittugu eta nahi badozu? parte har dezakezu
Den dena, koordinatzaile batek dinamizatuta.
??Izan zaitez euskararen boluntarioa!
[ 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 ] Hurrengoa >
Sarrerak harpidetu
