Mintzapraktika
... Dantzatu mingaina!
Blog-en zerrenda Sartu!

Argazki proiekzioa

(2009-07-03 16:32 zaharberri)

Argazki Proiekzioa

Urrian, ikasturte hasierarekin batera

Goizean  10:00etan

Arratsaldean 18:00etan

 

 

Abian da Zahar Berrik, AEK-ko eta Udal Euskaltegiko ikasleentzako  III. argazki lehiaketa.

Dagoeneko prest gaude zuen argazkiak jasotzeko eta honela urrirako emanaldi txukun bat prest dezakegu. Bialtzeko idatzi ondoko e-mailera: zaharberri@aedelkartea.com

 

 

ARGAZKIAK IKUSGAI

Udako argazki proiekzioa hiru urtez jarraian egin da. Orain arte oso positibotzat baloratu denez,

ekintza berriz errepikatzea erabaki da. Ikasle bakoitzak oporretan eginiko bidaia bateko argazkiak bidali ahal izango ditu.

Urrian 22an elkartzen garenean bakoitzak azalpen bat ematen bidez nork, non, noiz eta ze argazki komentatu nahi duen azalduko die beste entzuleei. Ondoren argazki guztiak ikusgai jarriko dira Zahar Berriko web-gunean sortutako foto-blogean. Eta bi irabazleen izena bertan azalduko da.

 

SARIAK

Bi sari banatuko dira; lehena goizeko taldeko argazki eta azalpen onenari, bestea berriz arratsaldean zatozenen artean banatuko da. Epaimahaiko kideek baloratuko dute argazkiaren kalitatea, originaltasuna eta balore historikoa.

 

Agurra

(2009-07-02 16:03 aiaraldea)

Pasa den larunbatean Amurrion, Euskaraz bai egunarekin batera Aiaraldeko berbalagunok 2008-2009 ikasturteari amaiera eman genion. Horretarako herri bazkarian eta ondorengo dantzaldian parte hartu genuen. Primeran pasatu genuen!! Argazki hauekin datorren ikasturte arte agurtzen zaituztegu. Ondo izan.

Uda ona pasa, (berba)lagunak!

(2009-07-02 13:55 egizu)

Ikasturtea joan da eta uda hemen dugu, bete-betean. Urrian aurkezpen-merienda egin genuenetik, zenbat lagun, une on eta barre egin ditugun! Ezin aipatu jarduera guztiak taldeetan, umeekin, bertsotan, plazetan, literaturan, mendian, bizikletaz, eskiatzen, sagardotegian, bazkarietan, jaietan, bizkaieraz, Urepelen? bakoitzak izango ditu bereak eta den-denak gogoratu ahal dituzue gure flickr-eko argazkiak ikusita. Abuztuan geuk ere atseden txikia hartuko dugu indarberrituta etortzeko datorren ikasturtean, proiektu eta jarduera berri gehiagorekin. Ederto pasa uda lagunok eta gogoratu: dabilen mihiari?ez zaio goroldiorik lotzen!

Kontrabandisten bidea: Bilbo - Laudio

(2009-07-01 10:57 egizu)

Bilbo eta Laudio arteko ibilbidea egiteko asmotan abiatu ginen zazpi lagun pasa den larunbatean, ekainaren 27an hain zuzen ere. Gehienak Algortatik zetozen eta niri, Bilbon, haien zain egotea tokatu zitzaidan. Erreportaje fotografiko zabala egin zen, Josuri esker, nahiz eta bere kamara batez ere loreak  ateratzeko prestatuta egon.Pagasarrira ailegatu ginenean betiko atsedenaldia egin genuen energia pixka bat hartzeko, eguzkitarako krema eman, argazkiak ateratzen genituen bitartean formal-formal egonda? Ondoren Ganekogorta mendirantz abiatu ginen. Baina, Pagasarriko aldapak igo beharrean Ganekogorta inguratzea hobeto iruditu zitzaigun.Egun ederra eduki genuen baina sargoritsua ere bai; ikaragarri eskertu genuen Ganekogorta atzean utzi izana, batez ere Felix, Agurtzane eta hirurok gure bertigoa dela eta.Handik Laudiora abiatu ginen Gazteluzaharretik, Kamaraka ezkerretara utziz. Baina Laudiora ailegatu baino lehen bazkaltzeko gunea aukeratu genuen: Santa Luzia (Ermuko Andra Mari). Pixka bat berandu zenez janaria gogoz hartu genuen nahiz eta  ardorik ez eduki eta gure albokoek zeukaten musika zaratatsuak hango lasaitasuna apurtu. Ermita handia da eta kanpotik oso ondo apainduta dago.Ezki baten itzalpean bazkaldu ondoren Isusi izeneko auzo dotorea zeharkatu eta Laudiora. Han edari freskagarria hartu genuen, Herriko jaiak zirenez dendak itxita zeuden eta jendea atsedenean, lasaitasuna zen nagusi. Handik hurbil Renferen tren geltokia zegoen; Bilbora ailegatu ginenean arratsaldeko zazpian ziren.Aurtengo mendi-irteerei agur esateko, beti bezala, oso ondo pasatu dugu.Datorren irteera arte. Ondo pasa uda!! (Eskerrik asko Rosa, kronikagatik).

Hemen ere badakigu gazteleraz!

(2009-07-01 10:04 aiaraldea)

"Hemen ere badakigu gazteleraz!" Laudioko berbalagun talde batek kurtsoan zehar prestatutako laburmetraia da. Bideo honen bitartez Laudioko udalak berbalagun egitasmoaren aurrean izandako jarrera salatu nahi izan dute. Berba talde honek lan handia egin du eta emaitza ezinhobea izan da.

Umeen San Juan suaren irudiak

(2009-06-30 11:14 egizu)

  Getxoko umeak eta gurasoak suaren inguruan dantzan ibili ziren gaur zortzi. Urtero legez, herriko hainbat elkartek arrasti pasa ederra antolatu genuen San Nikolas plazan, Algortan. Bakoitzak bere alea ekarri zuen eta denon artean jai beroa egin genuen. Eskerrak ematea besterik ez zaigu falta; ALBE bertso eskolari eta bereziki Ander, Aratz, Fermin eta Mikel bertsolari handiei; Gorrondatxe kultur elkarteari eta bertako abesbatzako kideei, baita suaren injineruei ere; Jose Antonio Agirre euskaltegiko lagun txokolatezaleei; Zabala ikastetxeko guraso elkarteko kideei, Agurtzaneri, Laurari...; Bizkaiko Xirula-Mirula elkarteko artista jatorrei; Bizarra Lepoaneko Alazne eta Itziar makillatzaileei; eta Udaleko hainbat ataletatik lagundu diguzuen guztioi. Eskerrik asko eta hurrengora arte.

LAN ESKAINTZA

(2009-06-30 11:08 meatzaldeko berbalagun)

AEK-k BERBALAGUN EGITASMORAKO DINAMIZATZAILEA BEHAR DULanaldi erdiz, jardunaldi osoz aritzeko aukera. 2009ko urritik hasita 2010ko ekainera arte (luzagarria), Meatzaldeko Berbalagun programaren mintzapraktika taldeak, kultur ekintzak, publizitatea eta koordinazio lanak antolatu eta gauzatu beharko ditu. Berbalagun egitasmoaren helburua euskaldunei eta euskara ikasleei erabilera eta praktika

?Bikain, Bikain!?

(2009-06-30 10:30 Deustukoberbalaguna)

- Nola bukatu duzue ikasturte honetan berbalagunean?
- Bikain, bikain!

Hori erantzun zuen ostiralero ordubete euskaraz hitz egiteko elkartzen   den berbalagun taldeak. ?Oso gustora gaude eta gero eta ausartagoak gabiltza gure euskararekin?, adierazi dute.

Taberna batean elkartu, kaņa, freskagarri edota tea hartuta berbetan hasten dira emakumeak. Begoņa, Beatriz, Carmen, Ainara eta Inma. Euren esanetan ondo etortzen zaie egitasmoan parte hartzea, ?hasieran zaila edo lotsa ematen badu ere, gero gustora ematen duzu ordubetea euskaraz hitz egiten?, esaten du Beatrizek, ?nere seme alabei euskaraz hitz egiten saiatzen naiz, horrela gehiago lantzen dut.?

Eurek oso garrantzitsu ikusten dute euskaraz hitz egitea, lana topatzeko, gustokoa dutelako, azterketaren bat gainditzeko? baina berbalagunean hasteko bakoitzaren arrazoiak ezberdinak dira.



Inmaren kasuan, bere seme - alabek esanda. Eta ikusita hizkera menperatu behar zuela, egitasmoan sartu, eta hasieran isilpean ibiltzen bazen ere, poliki - poliki taldearen erritmoa hartzen hasi zen ?Elorrion lan egiten dut eta bertoko jendearekin ulertzeko beharrezkoa dut euskara, baina batzutan asko kostatzen zait. Lankide bati, esaterako, ezinezkoa zait ulertzea!?.

Ainara berriz, pozik dago azkenengo euskara azterketa gainditu duelako eta euskaltegian ez ezik ondo ikusten du egitasmoan parte hartzea. Gainera dio ?nire aitite Mungiakoa zen eta bizkaieraz hitz egiten zuen. Zoritxarrez, nire amak ez zuen ikasi eta horregaitik hasi nintzen ni ikasten?.

Carmenek, bi urte ta erdi eman ditu euskararekin. Prest dago edozein egoerari aurre egiteko eta mintzatzen jarraitzeko, ?etortzen den bezeroari euskaraz atendituko diot, bestela zertarako eman ditut bi urte ikasten? Ez nago prest orain arte lortutakoa galtzeko?. Berbalaguna oso ondo etorri zaiola esaten du ere.



Emakumeez osatutako taldea, ?danak emakumeak gara ta gizonezkorik ez, bat etortzekoa zen, baina, zain gaude oraindik, kikildu ditugu? adierazi du umoretsu Begoņak.

Giro polita, euskalduna eta auzokoa. Eskerrik asko bostoi!

Ondo pasa oporrak berbalagunok eta aukerarik dagoenean, mintza!
Irailean berriro ikusiko dugu elkar!
 



Sukaldaritza ikastaroa

(2009-06-30 10:27 aiaraldea)

Jarraian Aiaraldeko sukaldariak aurkeztuko dizkizuegu. Hona hemen ikastaroan parte hartu duten sukaldariak eta hauek prestatutako errezetak:














Ezkerretik eskuinera:
Goian: Asier; Iratxe ( Porru pastela eta azenario tarta) ; Oihane ( Arroz entsalada ); Ander ( Txipiroiak saltsan eta patatak "mileurista" eran); Ione ( Hegaltxo erreak, espagetiak siziliar eran eta ijito-besoa). Behean: Santi ( Berdela tomatearekin eta baratxuri zopa ); Enartze ( Porruak paristar eran eta solomoa perretxiko saltsan).
Bakarrik dagoena: Koldo ( Tiramisua). Falta direnak: Joelle (Marrubi pudiga), Macri (Txokolate tarta) eta Jon.

Hona hemen azken bi errezetak:

PATATAK ?MILEURISTA? ERAN

Osagaiak:
- 4 patata handi, 2 baratxuri ale, piper berde bat, piper gorri bat, tipula bat, 2 azenario, tomate bat, kalabazin txiki bat, 2 lata ilar, 2 arrautza, gatza eta irina.

Nola egin:
- Baratxuriak, piperrak, tomatea, azenarioak, kalabazina eta tipula garbitu eta zatitu ondoren oliba oliotan frijitzen ipiniko ditugu su moteletan. Gazitu eta astiro-astiro egiten utziko dugu bigun-bigun egon arte. Eginda dagoenean, koilarakada bat irin erantsiko dugu, ondo nahastu eta sutatik kenduko dugu. Momentuz, aparte utziko dugu.
- Patatak zuritu eta garbitu ondoren, xaflatan moztuko eta gazituko ditugu. Xaflak arrautza-irinetan pasatu eta su bizitan frijituko ditugu. Kanpotik gorriturik, baina barrutik gordin egon behar dute. Zartaginetik atera ahala, sukaldeko paper gainean ipiniko ditugu olioa xurgatzeko.
- Plater hau bukatzeko, patata xaflak eta frijitutako barazkiak nahastuko ditugu, ura erantsiko diegu eta egiten utziko ditugu. Ia-ia eginda egoten direnean ilarrak gehituko ditugu.



IJITO-BESOA

Osagaiak:
- Bizkotxoa: 5 arrautza, 100gr. irin, 100gr. azukre, sobre bat legamia eta banilla tanta batzuk.
- Betetzeko eta apaintzeko: 200ml. esnegain, marrubi marmelada eta txokolatea.

Nola egin:
- Lehenengo eta behin, labea 200 gradutan ipiniko dugu eta berotzen utziko dugu.
- Zuringoak eta gorringoak bereizi ondoren, zuringoei gatz pixka bat bota eta elur punturaino igoko ditugu. Igo bitartean, azukrea pixkanaka-pixkanaka erantsiko dugu, 2 koilarakada izan ezik. Puntuan daudela jakiteko, ontziari buelta emango diogu, merengea mugitzen ez bada, ondo dago; mugitzen bada irabiatzen jarraituko dugu.
- Jarraian, beste osagaiak orden honetan gehituko ditugu, irabiatzeari utzi gabe: legamia, irina, 2 gorringo eta banilla.
- Labeko plaka gurinez igurtzi eta irinez hautseztatu, orea gainean bota eta zabalduko dugu. Labean sartu 6 minutuz tenperatura jaitsi gabe.
- Eginda dagoenean, eta labetik atera bezain pronto, trapu umel batez estaliko dugu. Horrela utzi bizkotxoa hoztu arte.
- Hozten den bitartean, esnegaina eta txokolatea prestatuko ditugu. Esnegainari azukrea gehitu eta igoko dugu. Ondoren, txokolatea lapiko batean eta su moteletan jarriko dugu ur pixka batez. Eragiteari utzi gabe, desegin arte izango dugu sutan.
- Ijito-besoa bukatzeko, bizkotxo gainean marrubi marmelada eta esnegaina ipini eta gero bilduko dugu eta txokolatea gainetik bota eta zabalduko dugu. Hozkailuan izango dugu txokolatea gogortu arte.

Ikasturte bukaera eta Sanferminak

(2009-06-29 13:05 mintzakide)

Hau izanen da ikasturte honetako azkeneko eguneraketa. Abuztuaren bukaeran hasiko gara berriz ere eguneratzen blog hau.

San Ferminetan hainbat ekitaldiren artean:
Uztailaren 7an:
Patxi Perez eta Konpainia Takoneran (gauerdian)
Uztailaren 9an:
Atunjana Zaldiko Maldiko elkartean.
Gaurdian Maialen Errotabehere (Gonbidatua: Petti).
Uztailaren 10ean:
BERTSOLARIAK: Unai Ituriaga,Xabier Legarreta, Iņigo Olaetxea, Ander Itturri, Amaia Agirre eta Sustrai Colina.13:00etan Takoneran.
Uztailaren 11n:
SAN FERMINETAN KANTARI KANTU JIRA, Mercaderesetik 12etan; ondoren; herri bazkaria San Jose Plazan (txartelak salgai Iruņazarra Tabernan)
Deabruak Teilatuetan takoneran gauerdian.
Uztailaren 13an
Lantz gauerdian.

Iruņeko Karrikiri elkarteak egin duen bideo hau ikusteko gonbita luzatzen dizuegu, hau da egiten dutena (tartean Mintzakide, beste hainbat eragilerekin elkarlanean).

OPORRAK!!!

(2009-06-29 12:47 Sestaoko Berbalagunak)

Kaixo berbalagunok!

Sestaoko berbalagunek ederki aprobetxatu dituzte herriko jaiak! Poteoa eta afaria egin zuen berbatalde batek argazki hauek bidali dizkigu.





Eta... UDA heldu da, berbalagunok!!! eta bide batez, hainbeste desiratu ditugun OPORRAK!!! Aprobetxatu atseden hartzeko eta gozatzeko. Hori bai, ahalegindu euskaraz egiten! Guk (Iker eta Anak) gauza bera egingo dugu, pilak kargatuko ditugu hurrengo ikasturteko berbalagunari ilusioz eta indarrez heltzeko.

Irailaren bukaeran hasiko gara martxan... beraz, adi zuen mobiletara!!!

Ongi izan eta bizi uda euskaraz!

Besarkadak,

Iker eta Ana

Sukaldaritza ikastaroa

(2009-06-29 10:27 aiaraldea)

Sukaldaritza ikastaroa amaitzear dago berbalagun ikasturtearekin batera. Hona hemen azken aurreko saioaren errezetak:

BARATXURI ZOPA

Osagaiak:
- 2 baratxuri ale, koilarakada erdi piperrauts, 2 koilarakada oliba olio, 3 eguneko ogia eta 3 edo 4 edalontzi ur.

Nola egin:
- Lehenengo eta behin, baratxuri aleak zuritu, xaflatan moztu eta zartagin batean frijitzen ipiniko ditugu.
- Gorritzen direnean, zartagina sutatik kendu eta piperrautsa erantsiko dugu. Apur bat nahastu ondoren, berriro sutan jarriko dugu eta ura botako dugu.
- Berotzen denean, ogia gehituko dugu eta ordu betez izango dugu pixkanaka-pixkanaka egiten.


SOLOMOA PERRETXIKO SALTSAN

Osagaiak:
- 8 solomo xerra, 2 baratxuri ale, tipulina bat eta erdi, koilarakada 1 irin, ardo zuria (edalontzi erdi), 400 edo 500gr. barrengorri,125cl. esnegain eta gatza.

Nola egin:
- Barrengorriak garbitu eta gero xaflatan moztu eta lapiko batean egiten utziko ditugu olio apur batez.
- Egiten diren bitartean, tipulinak zuritu eta juliana eran zatitu ondoren, oliba oliotan frijitzen jarriko ditugu su moteletan. Tipula bigun-bigun egoten denean, irina bonako dugu eta eragingo diogu pikorrik ez geratzeko.
- Ondoren, ardo zuria erantsiko diogu eta, alkohola lurruntzen denean, perretxikoak. Ondo nahastu dena, apur bat egiten utzi eta esnegaina gehituko diogu saltsari.
- Su moteletan egiten uzten dugun bitartean, solomoa prestatuko dugu. Horretarako, 2 baratxuri ale xaflatan moztu eta frijitzen ipiniko ditugu. Gorri daudenean oliotatik atera eta olio horretan solomoa egingo dugu.

Kastron ere euskaraz!

(2009-06-28 09:47 meatzaldeko berbalagun)

Meatzaldeko berbalagun batzuk Kastrora joan dira bizitzera eta hara!! Kastroko batzuekin bildu eta berbatalde bat sortu dute! Euskal Herriz kanpoko lehenengo berbataldea. 6 dira, argazkiko 5 neskak eta mutil bat. Aurrera bada Kastroko berbataldea!! Kastron ere euskararen alde!!!

Masaje tailerra bueltan dator!!

(2009-06-26 17:00 meatzaldeko berbalagun)

Adi! hilabete hasieran masaje tailerrak izan zuen arrakasta ikusirik, berriz ere errepikatzea erabaki dugu, oraingo honetan aurpegiko masajeak izango dira!! beraz, animatu zaitezte eta etorri:masaje tailerraekainaren 29an19:00etan Ortuellako Gorbea aretoan

Sexua, ze sua!!!

(2009-06-25 16:59 enkarterriko berbalagun)

Aurtengo ikasturteko amaiera bero beroa izango da!.

Ekainaren 26an, arratsaldeko 19:00etan Balmasedako Kultur Etxean jostailu erotikoei buruzko hitzaldia eta ipuin erotikoak azalduko ditu Bego Gomezek.

Berbalagunok adi adi egongo gara ea zerbait ikasten dugun....

Anima zaitez eta etorri!


[ 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 ] Hurrengoa >

Sarrerak harpidetu Sarrerak harpidetu

Diseinu grafikoa: Di-da
Garapena: Bitarlan