Mintzapraktika
... Dantzatu mingaina!
Blog-en zerrenda Sartu!

LARUNBATEAN MENDI.....MENDIBILERA!!!!

(2014-12-09 13:04 berbalagun)

Kx lagunok!!!! Gure inguruak astintzen hasi diren hotzak kendu nahi badituzu, Ermuko mendirik ezezagunena bisitatu eta euskara praktikatu nahi baduzu........ Etorri gurekin larunbat honetan MENDIBILera !!!!!!!

Mendi irteeraren kronika: Orixolera

(2014-12-09 09:10 asier barruetabeña)

Azaroaren 22an mendi irteera antolatu genuen Orixolera eta primerakoa izan zen! Mendi taldearen lehenengo irteera izan zen eta jende askorik ez zen etorri baina espero dugu hurrengoan jende gehiago animatzea. Eguna ederra izan zen eta gustora ibili ginen maldan gora eta behera! Hurrengorako badakizue… planik ez badaukazue, etorri Egizuk eta Txorimalo Gaztetxeak antolatutako mendi irteerara!!!

KIRMEN URIBE Portugaleten

(2014-12-05 19:07 ezkerraldeko berbalagun)

Datorren asteartean, abenduak 9, Kirmen Uribek hitzaldia eskainiko digu. Bertan "Bilbao-New York-Bilbao" liburua nola sortu zuen azalduko digu.
Gonbidatuta zaudete.

Eguna: abenduaren 9an, asteartea
Lekua: Santa Klara kulturtegia
Ordua: 19:30

Gabonetako postal lehiaketa

(2014-12-05 11:31 ezkerraldeko berbalagun)

Gabonak ate joka ditugu, hori dela eta, Sestaon Gabonetako postal lehiaketa antolatu dugu, ANIMATU ETA PARTE HARTU!

Epea: abenduaren 9tik 19ra
Non: Sestaoko Aek euskaltegiko buzoian sartu zure postala
Norentzat: edonorentzat, bi kategoria egongo da; 8 urtetik 16ra eta 16tik gora
Zer baloratuko da: diseinua (itxura eta erabilitako materiala) eta barruko testua (mezua eta euskara maila)
Ebazpena eta sariak: abenduaren 23an

BI ARREBA ikuskizuna Sestaon

(2014-12-05 11:20 ezkerraldeko berbalagun)

 
Andoni Egaña bertsolaria eta Xabier Lizaso pianojoleak Bi arreba izeneko ikuskizuna eskainiko dute Sestaon
 
Noiz: Abenduak 12
Non: Sestaoko musika eskolan
Ordua: 20:00etan
Prezioa: 4?
Norentzat:  jende ororentzat
 

Arrasatetik Aramaiora irteera

(2014-12-05 11:05 zaharberri)

Zahar-Berriko programako kideok, azaroaren 31n, astebukerako irteera egin genuen. Goizean goiz Aramaioko udaletxera hurbildu ginen. Bertako bi gidariren laguntzaz “Aramaioko ikerketa zentroa eta ekonomatoa” ezagutu genituen. Hona hemen, Juan Carlos Lasagak, bertan ateratako hainbat argazki polit.

?Olgetan euskaraz? taldeak familian gozatzeko

(2014-12-05 10:30 rozio)

Badatoz 2015eko “Olgetan Euskaraz” taldeak, familian kantatzeko eta jolasteko guneak. Familia euskaldunei kantatzeko eta jolasteko baliabideak eskaintzeaz gain, hizkuntza-ohituretan eragiten lagundu nahi diegu. Euskaraz oraindik ez dakiten familiei baliabideak eman nahi dizkiegu euskarara hurbil daitezen, motibazioa piztu, alegia. Horretarako, bi motatako taldeak izango ditugu, iaz bezala, guraso edota heldu euskaldunak dituzten taldeak eta guraso erdaldunek […]

Euskeraren egunean, "Hamaika orduko irakurraldia"

(2014-12-04 17:00 gernikako berbalagun)


Goizeko 9:00etan, honela eman genion hasiera ekitaldiari: Josebak eta Karlosek adarra jo zuten, eta Amaiak zantzoa.


Eta 20:00etan, honela eman genion bukaera ekitaldiari: Julen Gabiriak liburuaren azkeneko zatia irakurri eta berarentzat "Han goitik itsasoa ikusten da" liburarekin Gernikan zirkulu moduko bat ixten duela azaldu zigun. 
Gure bertsolari partikularrak honela amaitu zuen saioa:

"Hamaika ordu, hamaika aho,
irakurketa jarduna,
Gabiriaren itsasorantza
goi begirada txukuna.
Gaur euskeraren eguna ei da,
edo ospatzen doguna.
Euskera bada euskaldunori
damoskuna nortasuna, 
egun guztiak behar leukie
izan euskera eguna.

OHARRA: Laster jarriko ditugu ikusgai irakurle guztien edo gehienen argazkiak. Hala ere, zuei zuzenean bidaltzea gura baduzue, idatzi gernika_berba@aek.org ra eta bidaliko dizkizuegu.

EUSKALDUNON TOPAKETA BARAKALDON!!!

(2014-12-04 16:51 ezkerraldeko berbalagun)

Gaur zortzi, abenduaren 12an ostiralarekin, hitzordu polita izango dugu Barakaldoko eta Ezkerraldeko berbalagun eta euskaltzale guztiok!!!

Elkar ezagutzeko, euskara #lotsarikgabe praktikatzeko eta tarte polita pasatzeko elkartuko gara. Ikasle, berbalagunak, irakasleak, euskaltzaleak... barakaldarrak, santurtziarrak, munduko hiritarrak... guztiak etor zaitezkete!!!

Noiz: Abenduak 12
Non: Eguzki taberna aurrean
Ordua: 19:30ak

Animatu eta etorri, musika, kantak eta sorpresaren bat ere egongo da agian.....

Barakaldon ere, gaur euskara praktikatu, bihar euskaraz bizi!!!!

GALDAKAOKO MINTZODROMOA

(2014-12-04 16:48 Hego Uribeko berbalagunak)




Euskarak ez luke egun seinalaturik izan behar egutegian, urteko 365 egunak behar dituela esaten dugu euskaltzaleok. Berbalagunoi ez digute gogorarazi behar euskara kalera ateratzearen beharra, astero-astero ateratzen baitugu. Hala ere, abenduaren 3a bezalako egunetan, badago elkartzeko eta aldarrikatzeko beharra, eta horixe egin genuen atzo goizean Urreta Kiroldegian.





Euskaltegietako eta institutuko ikasleak Berbalagunekin elkartu genituen Galdakaon lehenengoz antolatu dugun Mintzodromoan. Arratsaldean, Euskararen Nazioarteko Egunaren egitarauaren barruan zegoen ekitaldian hartu genuen parte, eta zera galdetu ziguten: "Zer egin duzue Mintzodromoan?" Euskaraz hitz egin. Azalpen eta zehaztasun gehiago eman genituen arren, hori izan zen hitz gutxitan egin genuena. Hori bezain gauza sinplea: Euskaraz hitz egin, euskaraz txokolate beroa edan, euskaraz barre egin, euskaraz eztabaidatu...euskaraz bizi!!!



Getxon ere Euskarak 365 egun!! Eskerrik asko, lagunak!

(2014-12-04 16:44 garazi)

Arratsalde ederra atzokoa Mila esker kalejiran parte hartu zenuten guztiei   GETXON EUSKARAK 365 EGUN DITU!! EUSKARAZ BIZI GURA DOGULAKO EUSKARAK 365 EGUN Abenduak 3, abendua hotz. Sukaldearen epelean ederki. Goxo-goxo. Amaren altzoan, baina kalera atera behar. Kanpoan hotz, bai, baina beldurrik ez. Berokia hartu, eta aurrera! Igurtzika, bata besteari hotza kenduz, amaren losintxa ederra […]

Mikel Etxaburugaz ?ametsetan?

(2014-12-04 15:56 garazi)

Solasaldi ederra Mikel Etxaburuk eskaini ziguna. Eskerrik asko Mikel eta hurbildu zineten irakurzaleei!! Etorri ez zinetenontzat “Hodeiak zapatetan” poema liburutik Mikelek errezitatu zigun poematxo bat duzue hurrengo lerroetan, gozatu Gure ametsak zirkulu txikiak dira, haurrek egiten dituzten xaboi puxpuluen modukoak hauskor eta arinak putz egin eta desagertzen direnak. Hatz puntarekin ukitu orduko mila malkotan lehertzen […]

Olentzero ttipien lehiaketa

(2014-12-04 13:49 meatzaldeko berbalagun)

Olentzero ttipien lehiaketa Abanton Panpinak 40 cm baino gehiago neurtu behar du. Lanak abenduaren 12a baino lehen utzi behar dira Abantoko euskaltegian. Anima zaitezte eta parte hartu!!

Atzo, gaurko eta biharko GASTEIZ euskalduna

(2014-12-04 13:44 Gasteizko Mintzalaguna)


Gasteizko euskararen historia sozialari buruzko ibilbide gidatua. Historian zehar izandako gorabeherak, azken urteetako berreskurapena, gaur egungo ekimenak eta etorkizuneko erronkak.

Ba al dakizu nor izan zen Martin Ttipia?

Zein izan zen euskarazko lehen hiztegia?

Noiz sortu zen Gasteizko lehen ikastola?

Nor izan zen Odon Apraiz?

Zer da OIHANEDER Euskararen Etxea?



Noiz?Abenduaren 13an, larunbatean, 12.00etan (ordu t?erdiko iraupena 
Prezioa: 2? (bukaerako pintxo potea ordaintzeko. Momentuan ordainduko da)



Izena emateko:
  • Gure konfirmazio mezua jasoko duzu.
  • Lekuak mugatuak dira, azkar ibili eta idatzi lehenbailehen.

Santurtziko Irakurzale Klubaren hitzordu aldaketa

(2014-12-04 12:29 ezkerraldeko berbalagun)

Hitzorduaren aldaketaren berri eman behar dizuegu. Hasieran, abenduaren 9an elkartzekoa zen Irakurzale Kluba, baina azkenean hitzordua aldatu da eta abenduaren 16an, asteartean, 20:00etan AEK euskaltegian elkartuko gara "Borroka Kluba" liburuari buruz hitz egiteko. Animatu eta parte hartu!

< Aurrekoa [ 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 ] Hurrengoa >

Sarrerak harpidetu Sarrerak harpidetu

Diseinu grafikoa: Di-da
Garapena: Bitarlan