Herriz herri dauden mintzapraktika egitasmoetan bezala, internet mintzapraktikarako tresna izan daiteke. Horregatik, internet bidezko mintzapraktika taldeetan parte hartzeko aukera paregabea izango duzu.
Nola funtzionatuko dute internet bidezko mintzapraktika taldeek?
Ohiko mintzapraktika taldeek modura, astero hitzordu bat zehaztuko da eta partaideen bilgunea internet izango da. Taldeak osatzeko ardura egitasmoko arduradunak izango du eta hortik aurrerako harremana partaideen artean arautuko da.
Zein baldintza bete behar dira talde hauetan parte hartzeko?
- Euskaraz mintzatzeko gutxieneko maila izatea
- Astean behin taldekideekin hitz egiteko ordubeteko tartea eskaintzea
- Beharrezko azpiegitura teknikoa eta interneteko lotura izatea
- Skype programa ordenagailuan instalatua izatea eta Skype kontu bat zabaltzea
Zer egin behar da izena emateko?
- Parte hartzaile fitxa bete eta antolatzaileei bidali
- Skype programa instalatu eta kontu propio bat zabaldu
- Taldeak osatzeko antolatzaileak harremanetan jarriko dira zurekin
- Lehen hitzordua zehaztuko da taldekideak elkar ezagutzeko
Animatu eta parte hartu. Zalantzarik sortzen bazaizu jar zaitez
antolatzaileekin harremanetan.
Dantzatu mingaina!
